Pola rúa de San Pedro é unha composición de Magín Blanco, escrita para Malvela, que axiña se converteu nun himno popular galego. Agora, Uxía, Mondra e Malvela, coa produción de Budiño, ofrécennos unha nova versión que actualiza o seu espírito.
O videoclip, rodado na rúa de San
Pedro de Compostela, rende homenaxe non só á música senón tamén a este barrio
histórico: porta de entrada á cidade e lugar de acollida e resistencia
comunitaria, así como berce e refuxio da comunidade LGBTIAQ+. As voces que saen
polas fiestras, as persoas que aparecen na rúa e as portas que se abren para
convidar á festa son a metáfora perfecta dunha Compostela viva, diversa e
rebelde.
Esta versión non é só unha actualización estética, senón
a celebración dunha canción que naceu para o pobo e que hoxe segue viva,
reinventada entre a tradición —aqueles cantos de taberna con Morgan e Os
Estalotes— e novas estéticas musicais.
Cómpre salientar a participación de Daniela de Miguel, de
8 anos, última incorporación de Malvela, que representa o relevo xeracional tan
presente neste clip. In “Uxía Oficial” - Galiza
Sem comentários:
Enviar um comentário